Ял көннәрендә студентлар арасында нанотехнологияләр буенча I шәһәр олимпидасы тәмамланды. Әлеге чара “Казанның нанотехнологияләр клубы” исемле яшьләр иҗтимагый оешмасы, Татарстан Республикасының Мәгариф һәм фән министрлыгы, Казан дәүләт университеты, Туполев исемендәге Казан дәүләт техник университеты, “Идея” инновацион-җитештерү паркы” ярдәмендә оештырылган иде.

Барлыгы олимпиадада Казан югары уку йортларыннан һәм Чуаш дәүләт университетыннан 130 студент көч сынашкан.

Ә нәтиҗәләр түбәндәге:
III урынны Булат Темьянов (Туполев ис. КДТУның Радиоэлектроника һәм телекоммуникацияләр факультеты студенты), Иван Анашкин (Туполев ис. КДТУның нефть һәм нефтехимия факультеты студенты) белән Камил Шәрипов (КДУның физика факультеты студенты) бүлеште.
II урында – КДУның физика факультеты студентлары Сергей Ефимов һәм Георгий Баталин (А.Н. Бутлеров исемендәге Химия институты студенты).
I урынны КДУның физика факультеты студенты Булат Фәттахов яулады.