Россия хөкүмәте илдәге бөтен югары уку йортларын түләп укый торган итәргә җыенмый, ягъни бюджет урыннарың саны кыскартылмаячак. Бу турыда Россия Федерациясе президенты Владимир Путин хәбәр итә. “Хөкүмәтнең түләүле укуга күчәргә дигән планы юк. Вузлардагы бюджет урыннарын кыскартмаска тырышачакбыз”, - ди дәүләт башлыгы.

Бердәм дәүләт имтиханнарына килгәндә, Путин әлеге тема буенча бәхәснең һаман да баруын искәрткән. “БДИның минуслары да, шул ук вакытта, өлешчә коррупциягә каршы тора алырлык плюслары да бар. БДИ тапшырып югары уку йортларына керүчеләрнең дә саны артты. Һәм мин керү имтиханнарының формасын үзләре сайларга мөмкинлек сораган вуз җитәкчеләрен аңлыйм”, - дип ул.

Путин ассызыклавынча, Хөкүмәт “ректор корпуслары белән контактта” тора һәм әлеге мәсьәләләрне хәл итү белән шөгыльләнәчәк.